សមត្ថកិច្ចពាក់ព័ន្ធ ក្នុងខេត្តមណ្ឌលគីរី បើកដៃឲ្យមេឈ្មួញឈើ ឈ្មោះ ម៉ាប់, សម្រុកដឹកឈើចេញទៅលក់ នៅ ឯប្រទេសវៀតណាម តាមច្រកដាក់ដាំ ,តាមតែអំពើចិត្ត !!
ខេត្តមណ្ឌលគិរី៖ តាមប្រភពព័ត៌មាន មន្ត្រីដែលធ្វើការ នៅក្នុងសាលា ខេត្តមណ្ឌលគីរី បានឲ្យដឹងថា ៖ ក្នុងរយៈដើម ខែមិថុនាឆ្នាំ២០១៩នេះ មេឈ្មួញឈើ ឈ្មោះម៉ាប់ បានធ្វើសកម្មភាពដឹកជញ្ជូនឈើប្រណីតតាមរថយន្តសាំយ៉ុង ចេញទៅប្រទេសវៀតណាម តាម ច្រកដាក់ដាំ តាមតែអំពើចិត្ត។
ប្រភពខាងលើបានបន្តទៀតថា ៖ មេឈ្មួញឈើឈ្មោះ ម៉ាប់ បានប្រើរថយន្តសាំយ៉ុង ដើម្បី ធ្វើការដឹកជញ្ជូនឈើឆ្លងទៅប្រទេសវៀតណាម តាមច្រកដាក់ដាំដែលមានចំនួនរាប់សិបគ្រឿងក្នុង០១យប់ៗ។
,មិនតែប៉ុណ្ណោះមេឈ្មួញឈើឈ្មោះម៉ាប់នេះ មានជំនាញពូ កែខាងរត់ការបង់ប្រាក់ ឲ្យ សមត្ថកិច្ចពាក់ព័ន្ធនៅក្នុងខេត្តមណ្ឌលគីរីទាំងមូលដើម្បីឲ្យក្បួនរថយន្តរបស់ខ្លួនដំណើរការទៅបានដោយរលូន។
ប្រភពខាងលើបានបញ្ជាក់បន្ថែមទៀតថា ៖ ដោយសារតែមេឈ្មួញឈើ ឈ្មោះ ម៉ាប់ ,ហ៊ានចេញមុខរត់ការនិងដឹកជញ្ជូនឈើបែបនេះបានគឺដោយសារមានខ្នងបង្អែកដ៏រឹងមាំដែលធ្វើការនៅក្នុងសាលាខេត្តមណ្ឌលគិរីទើបធ្វើឱ្យមេឈ្មួញឈើឈ្មោះ ម៉ាប់ ដំណើរការទៅបានយ៉ាងដោយរលូន។
ពាក់ព័ន្ធនិងការលើកឡើងដែលថាឈ្មោះ ម៉ាប់, មានក្នុងបង្អែកដ៏រឹង មាំដែលធ្វើការនៅ ក្នុងសាលាខេត្តមណ្ឌលគិរីចាំជួយជ្រោមជ្រែងក្បួនឈើដ៏ធំដែលឈ្មួញយកចេញទៅលក់នៅឯប្រទេសយួនតាមច្រកដាក់ដាំយ៉ាងអនាធិបតេយ្យបំផុតនោះ( គេហទំព័រសារព័ត៌មាន, ភី .អិល .ញូវ .PL. NEWS.), យើងខ្ញុំ បានទាក់ទងទៅ ឯកឧត្តម ស្វាយសំអ៊ាង អភិបាល ខេត្តមណ្ឌលគីរី តាមទូរស័ព្ទ សុំ ការ បំភ្លឺ មិនបានឡើយនៅពេលនេះ ..?
សូមរំលឹកផងដែរថាកន្លងទៅថ្មីៗនេះ សម្ដេចក្រឡាហោម ស ខេង បានដាក់បទបញ្ជា ៖ ដ៏តឹងរឹងទៅលើ អាជ្ញាធរ សមត្ថកិច្ចពាក់ព័ន្ធទាំងអស់ ក៏ដូចជាអភិបាលខេត្តមណ្ឌលគីរី គឺធ្វើយ៉ាងណាទប់ស្កាត់បទល្មើសព្រៃឈើដែលកើតមានឡើងឱ្យបានស៊ីជម្រៅដើម្បីស្របទៅតាមគោលនយោបាយរបស់ រដ្ឋាភិបាល ។
ប៉ុន្តែរហូតមកដល់ពេលនេះប្រជាពលរដ្ឋបានសង្កេតឃើញថាបទល្មើសព្រៃឈើនៅតែបន្តកើតមានច្រើនបែបរូបភាព កើតមានយ៉ាងពេញបន្ទុកដដែល ផងដែរ ៕